Биз ҳам муаммо ечилиши тарафдоримиз

Биз ҳам муаммо ечилиши тарафдоримиз

Жорий йилнинг 6 август куни «Sevimli» телеканалидаги «Zamon» информацион дастури орқали Шаҳрисабз тумани “Қўшчинор” маҳалла фуқаролар йиғини “Бижном” қишлоғи аҳолисининг тоза ичимлик сувига бўлган муаммоси акс этган телелавҳа намойиш этилди.

Унда аҳоли бир неча йиллардан буён тоза ичимлик сувидан қийналаётганлиги, ариқдан оқадиган сувдан истеъмол қилишаётганлиги кўрсатиб ўтилган.

Ҳақиқатдан ҳам туманимиздаги ушбу қишлоқ аҳолисининг тоза ичимлик сувига бўлган эҳтиёжи мавжуд. Бу камчиликни бартараф этиш мақсадида жорий йилда белгиланган инвестицион дастурида “Бижном” қишлоғи аҳолиси учун қиймати 902 миллион сўмлик 6 кмлик тоза ичим суви тармоғини тортиш, артизан қудуғи қазиш ва  50 метр куб ҳажмдаги сув иншооти қурилиши режага киритилган.

Бундан ташқари ушбу режа асосида тайёрланган лойиҳа экспертизадан ўтказилиб, тегишли хулосалар ҳам олинган.

Бироқ, давтурга кўра “Бижном” қишлоғини тоза ичимлик суви билан таъминлашга киритилган лойиҳани молиялаштириш ишлари ресупублика бюджети томонидан амалга оширилиши кўрсатиб ўтилган.

Шу ўринда ушбу лойиҳани молиялаштириш ишлари тегишли тартибда республика бюджети маблағлари томонидан қоплансагина, белгиланган сув иншооти ўз вақтида қуриб битказилади.

Шаҳрисабз тумани ҳокимлиги матбуот хизмати