Shahrisabzda «Maʼnaviyat festivali» ko‘tarinki ruhda o‘tkazildi

Shahrisabz tumanidagi mahallalarda “Biz bir bo‘lsak — yagona xalqmiz, birlashsak — Vatanmiz!” shiori ostida o‘tkazilayotgan “Ma’naviyat festivali” doirasida turli ma’naviy-ma’rifiy uchrashuvlar, davra suhbatlari va konsert dasturlari tashkil etildi.

Tumandagi  Miraki sanatoriyasida tashkil etilgan tadbir avvalida  Shahrisabz tumani hokimi  Samad Xasanov so‘zga chiqib, tumanda bu kabi tadbirlar doimiy ravishda o‘tkazilib borilishi va aholi kayfiyatini ko‘tarishda taniqli san’atkorlarning o‘rni katta ekanligini ta’kidladi.

Poytaxtdan tashrif buyurgan “Ma’rifat” targ‘ibotchilar jamiyati a’zolari shoir Bobur Bobomurod, aktyor Hamid Toshpo‘latov, xonandalar  Saidakbar Xolmatov, Baxrom Usmonov va Sardor Bekmurodovlar  ishtirokchilarga  yuqori kayfiyat ulashishdi.