Ўзбекистон Республикаси ДХХ Чегара қўшинлари томонидан ажратилган турли хилдаги кийим-кечаклар, қимматбаҳо совғалар тумандаги Ҳарбий қисм, шунингдек Шаҳрисабз туман ҳокимлиги Республика Маънавият ва Маърифат маркази Шаҳрисабз туман бўлинмаси, ЎзХДП туман кенгаши ҳамкорлигида Китоб туманидаги Болалар уйи ва Меҳрибонлик уйларидаги тарбияланувчиларга топширилди. »
Туман ҳокимлиги, Республика Маънавият ва маърифат маркази Шаҳрисабз туман бўлинмаси ҳамда ЎзХДП туман Кенгаши ташабусси билан, туман тиббиёт бирлашмаси фаоллар залида Ўзбекистон Республикаси Президентининг Қашқадарё вилоятига 13-14 декабрь кунлари қилган ташрифлари якунлари бўйича айтилган фикрларидан келиб чиқадиган долзарб вазифаларга бағишланган учрашув бўлиб ўтди. Унда Ўзбекистон Республикаси Олий Мажлис Сенати аъзоси Исломиддин Аброров, Халқ депутатлари Шаҳрисабз Кенгаши депутатлари Собир Примов, Дилшод Ёров,Шаҳло Рахмонова,Азим Рахмоновлар иштирок этдилар. »
Шаҳрисабз туман ҳокимлиги, Республика Маънавият ва Маърифат маркази Шаҳрисабз туман бўлими ташабусси билан ЎзХДП туман кенгаши ҳамкорлигида тумандаги 38-сонли мактабда Ўзбекистон Республикаси Конституциясининг 26 йиллиги муносабати билан “Конституция-бахтимиз қомуси” мавзусида маънавий-маърифий тадбир бўлиб ўтди. Тадбирда мактаб ўқувчилари томонидан ўзбек халқининг ватан мустақиллиги ва озодлиги йўлида қаҳрамонлик кўрсатган тарихий сиймоларимиз акс этган қизиқарли саҳна кўринишлари намойиш этилди. Тадбир иштирокчиларига Республика Маънавият ва маърифат маркази Шаҳрисабз туман бўлими томонидан китоблар тақдим этилди. »
Туман ҳокими И.И.Аманов ва биринчи сектор ишчи гуруҳ аъзолари уйма-уй юриш ва аҳоли ҳолидан ҳабар олиш жараёнида. Шунингдек доимий равишда аҳолининг ижтимоий ҳимояга мухтож қатламлари ҳолидан ҳабар олиниб, ушбу хонадонларга озиқ-овқат махсулотлари бериб борилмоқда. »
Жорий йилнинг 7 январь куни Шаҳрисабз тумани мажлислар залида Ўзбекистон Республикаси Бош Прокуратураси ҳузуридаги Агросаноат мажмуи ва озиқ-овқат таъминланиши устидан назорат қилиш Инспекцияси раҳбарининг ўринбосари Саидакбар Рўзиев иштирокида Сайёр учрашув бўлиб ўтди. Ушбу сайёр учрашувда тумандаги чорвачилик, паррандачилик, балиқчилик, асаларичилик ва иссиқхонага ихтисослаштирилган фермер хўжаликлари ва тадбиркорлар иштирок этди. Шунингдек сайёр учрашув давомида Мухтарам юртбошимиз томонидан Қишлоқ хўжалиги сохасини янада ривожлантириш бўйича қабул қилинаётган Қарор ва Фармойишларнинг ижроси юзасидан учрашув иштирокчилари билан фикр алмашилди. »