34-сонли манзил-колонияда тадбир

Жорий йилнинг 13 февраль куни Республика Маънавият ва маърифат маркази Шаҳрисабз туман бўлинмаси ташабусси билан, Қашқадарё вилояти Ички Ишлар бошқармаси жазони ижро этиш бўлими 34-сонли манзил-колонияда ЎзХДП туман кенгаши, Ўзбекистон Мусулмонлар идораси Шаҳрисабз туман вакиллиги ва бошқа тумандаги жамоатчи-маънавиятчилар ҳамкорлигида “Жаҳолатга қарши маърифат” мавзусида учрашув бўлиб ўтди.

Тадбирда Республика Маънавият ва Маърифат маркази Шаҳрисабз туман бўлинмаси раҳбари Ш.Тоғаева томонидан мазкур колония кутубхонасига Ўзбекистон Республикаси Президенти Ш.Мирзиёевнинг асарлари, ёзувчи Тоҳир Маликнинг “Одамийлик мулки”, ҳамда “Темур тузуклари” каби сара асарлари тақдим этилди.